സിപിഎമ്മിനായി ദീപ്തി തൃക്കാക്കരയില്‍??
കൊച്ചി: തൃക്കാക്കരയില്‍ എല്‍ഡിഎഫ് സ്ഥാനാര്‍ത്ഥിയുടെ കാര്യത്തില്‍ സസ്‌പെന്‍സ് തുടരുകയാണ്. ഇതിനിടയില്‍ കെപിസിസി ജനറല്‍ സെക്രട്ടറിയും കൊച്ചി നഗരസഭാ കൗണ്‍സിലറുമായ ദീപ്തി മേരി വര്‍ഗീസ് സിപിഎം സ്ഥാനാര്‍ത്ഥിയാകുമെന്ന വാര്‍ത്തയും ഉയര്‍ന്നുവരുന്നുണ്ട്. എന്നാല്‍ ഇതെല്ലാം വെറും കെട്ടുകഥകളാണെന്ന പ്രതികരണവുമായി ദീപ്തി മേരി വര്‍ഗീസും രംഗത്ത് വന്നു. താന്‍ അടിയുറച്ച കോണ്‍ഗ്രസുകാരിയാണ്. തൃക്കാക്കരയില്‍ യുഡിഎഫ് വിജയത്തിനായി പ്രവര്‍ത്തിക്കും. മറ്റുള്ള വാര്‍ത്തകളെല്ലാം കെട്ടുകഥകളാണെന്നും അവര്‍ പറഞ്ഞു. നേരത്തെ ഉമ തോമസിനെ സ്ഥാനാര്‍ത്ഥിയാക്കിയ നേതൃത്വത്തോടുള്ള നീരസം ദീപ്തി പരസ്യമാക്കിയിരുന്നു. ഇതിന് പിന്നാലെയാണ് പുതിയ ഊഹാപോഹങ്ങള്‍ തലപ്പൊക്കിയത്.
