കാവ്യ മാധവനെ ക്രൈം ബ്രാഞ്ച് ചോദ്യം ചെയ്തു.
നടി അക്രമിക്കപ്പെട്ട കേസിൽ
നടി ആക്രമിക്കപ്പെട്ട കേസുമായി ബന്ധപ്പെട്ട് കാവ്യ മാധവനെ മണിക്കൂറുകളോളം ചോദ്യം ചെയ്തു. ഇന്ന് ഉച്ചക്ക് 12 മണിക്കെത്തിയ അന്വേഷണ സംഘം വൈകുന്നേരം4.30 നാണ് മടങ്ങിയത്. അന്വേഷണ സംഘത്തിലുണ്ടായത് എസ്പി മോഹനചന്ദ്രന്‍, ഡിവൈഎസ്പി ബൈജു പൗലോസ് അടക്കമുള്ളവരാണ്.
കാവ്യയ്ക്ക് അന്വേഷണസംഘം രാവിലെ ചോദ്യം ചെയ്യലിന് ഹാജരാകണമെന്ന് ആവശ്യപ്പെട്ട് നോട്ടീസ് നല്‍കിയിരുന്നു.ഹാജരാകുന്ന സ്ഥലം അറിയിക്കണമെന്നും നിര്‍ദേശം നല്‍കിയിരുന്നു. ആലുവയിലെ വസതി പത്മ സരോവരത്തില്‍ ഇതിന്‍പ്രകാരം ഹാജരാകാമെന്ന് കാവ്യ മറുപടി അറിയിക്കുകയായിരുന്നു.
ദിലീപിനൊപ്പം കാവ്യയ്ക്കും നടിയെ ആക്രമിച്ച കേസിന്‍റെ ഗൂഢാലോചനയില്‍ പങ്കുണ്ടോയെന്നാണ് തുടരന്വേഷണത്തില്‍ പരിശോധിക്കുന്നത്. കാവ്യയെ ചോദ്യം ചെയ്യുന്നത് ഇതില്‍ വ്യക്തത വരുത്തുന്നതിനാണ് .
