ദിലീപിന് തിരിച്ചടി; അന്വേഷണം തുടരാമെന്ന് ഹൈക്കോടതി
കൊച്ചി: വധഗൂഡാലോചന കേസില്‍ നടന്‍ ദിലീപിന് തിരിച്ചടി. കേസില്‍ അന്വേഷണം തുടരാമെന്ന് ഹൈക്കോടതി സിംഗിള്‍ ബഞ്ച് വിധി. തുടര്‍ അന്വേഷണം റദ്ദാക്കണമെന്ന് ആവശയപ്പെട്ട് ദിലീപ് സമര്‍പ്പിച്ച ഹര്‍ജി കോടതി തള്ളി. നിലവില്‍ ക്രൈംബ്രാഞ്ചാണ് കേസ് അന്വേഷിക്കുന്നത്. ഹൈക്കോടതി വിധി കൂടുതല്‍ ആത്മവിശ്വാസം നല്‍കുന്നതാണെന്ന് ക്രൈംബ്രാഞ്ച് എസ് പി പ്രതികരിച്ചു. ഡിജിറ്റല്‍ തെളിവുകള്‍ ദിലീപിനെതിരെയാണെന്ന് കോടതി വിലയിരുത്തി. അന്വേഷണം ശരിയായ ദിശയിലാണ് പോകുന്നതെന്ന് അന്വേഷണ സംഘം പറഞ്ഞു.
