രാവിലെ മുതൽ രാത്രിവരെ ഖദറിട്ട് ഉടയാതെ നില്ക്കുന്നതല്ല രാഷ്ട്രീയം: വി ഡി സതീശൻ
സാമൂഹ്യ സേവനവും ജീവകാരുണ്യ പ്രവർത്തനവും കൂടിച്ചേരുന്നതാണ് രാഷ്ട്രീയം
രാവിലെ മുതൽ രാത്രിവരെ ഖദറിട്ട് ഉടയാതെ നില്ക്കുന്നതല്ല രാഷ്ട്രീയ പ്രവർത്തനമെന്നും, സാമൂഹ്യ സേവനവും ജീവകാരുണ്യ പ്രവർത്തനവും കൂടിച്ചേരുന്നതാണ് രാഷ്ട്രീയമെന്നും പ്രതിപക്ഷ നേതാവ് വി ഡി സതീശൻ പറഞ്ഞു. കോഴിക്കോട് ജില്ലാ കോൺഗ്രസ് നേതൃസംഗമവേദിയില്‍ സംസാരിക്കുകയായിരുന്നു അദ്ദേഹം.
കെപിസിസി പ്രസിഡന്റ് കെ സുധാകരൻ ഉദ്ഘാടനം ചെയ്തു. സംസ്ഥാനത്ത് എല്ലാ ജില്ലകളിലും സർക്കാർ ആശുപത്രികളിൽ ഡിവൈഎഫ്ഐ നടത്തുന്ന ഉച്ചഭക്ഷണ വിതരണം കോൺഗ്രസ്കാർ മാതൃക യാക്കണമെന്ന് ഉദ്ഘാടന പ്രസംഗത്തിൽ അദ്ദേഹം പറഞ്ഞു. ഒരു ദിവസം പോലും ഡി വൈ എഫ് ഐ ഭക്ഷണ വിതരണം മുടക്കിയിട്ടില്ല. ഇത്തരം ശൈലികള്‍ കോണ്‍ഗ്രസ് ഏറ്റെടുത്ത് നടപ്പാക്കണമെന്നും സുധാകരന്‍ പറഞ്ഞു.
