ചുഴലിക്കാറ്റില്‍ വന്‍ നാശനഷ്ടം
യുഎസില്‍ ശക്തമായ ടൊര്‍ണാഡോ ചുഴലിക്കാറ്റില്‍ വന്‍ നാശനഷ്ടം. കന്‍സാസ് സംസ്ഥാനത്തെ വിവിധമേഖലകളില്‍ വീശിയടിച്ച ചുഴലിക്കാറ്റില്‍പ്പെട്ട് വീടുകള്‍ ഉള്‍പ്പെടെ നിരവധി കെട്ടിടങ്ങള്‍ തകര്‍ന്നു. നിരവധി പേര്‍ക്ക് പരുക്കേറ്റിട്ടുണ്ട്. പ്രദേശത്തെ വൈദ്യുതി ബന്ധം പൂര്‍ണമായും തകര്‍ന്ന നിലയിലാണ്. ആയിരത്തോളം പേര്‍ കാന്‍സസിലില്‍ നിന്ന് മറ്റിടങ്ങളിലേക്ക് മാറി കഴിഞ്ഞു. സെഡ്വിക്ക് കൗണ്ടിയില്‍ 100 കെട്ടിടങ്ങള്‍ക്ക് വരെ കേടുപാടുകള്‍ സംഭവിച്ചതായി ആന്‍ഡോവര്‍ ഫയര്‍ ചീഫ് ചാഡ് റസ്സല്‍ ഒരു വാര്‍ത്താ സമ്മേളനത്തില്‍ പറഞ്ഞു. എന്നാല്‍ ആന്‍ഡോവറില്‍ എത്ര കെട്ടിടങ്ങള്‍ക്ക് കേടുപാടുകള്‍ സംഭവിച്ചുവെന്ന് അറിവായിട്ടില്ല. സെഡ്വിക്ക് കൗണ്ടിയില്‍ ഒരു സ്ത്രീ ഉള്‍പ്പെടെ മൂന്ന് പേര്‍ക്ക് പരുക്കേറ്റു.
