പാലക്കാട് ഇരട്ടകൊലപാതകം: മുഴുവന്‍ പ്രതികള്‍ ഉടന്‍ വലയിലാകുമെന്ന് പൊലീസ്
പാലക്കാട്: പാലക്കാട്ടെ ഇരട്ട കൊലപാതകങ്ങളില്‍ മുഴുവന്‍ പ്രതികളും ഉടന്‍ പിടിയിലാകുമെന്ന് അന്വേഷണസംഘം. സുബൈര്‍ വധക്കേസില്‍ ഇന്നലെ അറസ്റ്റിലായ രണ്ട് പ്രതികളെ ഇന്ന് കോടതിയില്‍ ഹാജരാക്കിയേക്കും. ആര്‍എസ്എസ് പ്രവര്‍ത്തകരായ വിഷ്ണു, മനു എന്നിവരേയാണ് അന്വേഷണ സംഘം ഇന്നലെ അറസ്റ്റ് ചെയ്തത്. സുബൈര്‍ വധക്കേസില്‍ ഇതോടെ ആകെ അറസ്റ്റിലായവരുടെ എണ്ണം അഞ്ചായി. ശ്രീനിവാസന്‍ വധക്കേസില്‍ 13 പേരുടെ അറസ്റ്റാണ് ഇതുവരെ അന്വേഷണ സംഘം രേഖപ്പെടുത്തിയത്. മുഖ്യ സൂത്രധാരന്‍ അടക്കം ഉടന്‍ പിടിയിലാകുമെന്നാണ് പൊലീസ് നല്‍കുന്ന സൂചന.
