കെമിക്കല്‍ ഫാക്ടറിയില്‍ പൊട്ടിത്തെറി; ആറ് തൊഴിലാളികള്‍ മരിച്ചു
ഗുജറാത്തിലെ കെമിക്കല്‍ ഫാക്ടറിയിലുണ്ടായ സ്‌ഫോടനത്തില്‍ ആറ് തൊഴിലാളികള്‍ മരിച്ചു. ഗുജറാത്തിലെ ബറൂച്ചിലുള്ള കെമിക്കല്‍ ഫാക്ടറിയിലാണ് പൊട്ടിത്തെറിയുണ്ടായത്. അപകടത്തില്‍ നിരവധിപ്പേര്‍ക്ക് പരിക്കേല്‍ക്കുകയും ചെയ്തു.
തിങ്കളാഴ്ച പുലര്‍ച്ചെ മൂന്ന് മണിയ്ക്കാണ് പൊട്ടിത്തെറിയുണ്ടായതെന്നാണ് വിവരങ്ങള്‍. ബറൂച്ച് ജില്ലയിലെ ദഹേജ് വ്യാവസായിക മേഖലയിലെ ഓര്‍ഗാനിക് കെമിക്കല്‍ കമ്പനി ഫാക്ടറിയിലാണ് പൊട്ടിത്തെറി നടന്നത്. കഴിഞ്ഞ വര്‍ഷം ഓഗസ്റ്റ് മാസത്തിലും പൊട്ടിത്തെറിയുണ്ടായിരുന്നു.
