പാകിസ്ഥാനെ നടുക്കി കാറാച്ചി ആക്രമണം; സ്ഫോടനത്തിനും വെടിവെപ്പിനും പിന്നാലെ രക്തച്ചൊരിച്ചിൽ.
റേഞ്ചേഴ്സ് ആസ്ഥാനത്തെ ലക്ഷ്യമിട്ട് സ്ഫോടക വാഹനം; സുരക്ഷാസേനയും ആക്രമികളും കൊല്ലപ്പെട്ടു.
Desk Mediagraamam 
കാറാച്ചി: പാകിസ്ഥാനിലെ കാറാച്ചിയിൽ വലിയ സ്ഫോടനവും തുടർന്ന് കനത്ത വെടിവെപ്പും റിപ്പോർട്ട് ചെയ്തു. നഗരത്തിലെ പാകിസ്ഥാൻ റേഞ്ചേഴ്സ് ആസ്ഥാനത്തെ ലക്ഷ്യമിട്ടായിരുന്നു ആക്രമണം നടന്നത്. സ്ഫോടകവസ്തുക്കൾ നിറച്ച വാഹനം പ്രധാന കവാടത്തിലേക്ക് ഇടിച്ചുകയറ്റിയ ശേഷമാണ് ആക്രമികൾ വെടിവെപ്പ് ആരംഭിച്ചതെന്നാണ് പ്രാഥമിക വിവരം. സംഭവത്തെ തുടർന്ന് പ്രദേശത്ത് വലിയ സുരക്ഷാ വിന്യാസം ഏർപ്പെടുത്തി.
ആക്രമണത്തിൽ മൂന്ന് സുരക്ഷാസേനാംഗങ്ങൾ കൊല്ലപ്പെടുകയും നിരവധി പേർക്ക് പരിക്കേൽക്കുകയും ചെയ്തതായി റിപ്പോർട്ടുകളുണ്ട്. സുരക്ഷാസേനയുടെ തിരിച്ചടിയിൽ മൂന്ന് മുതൽ നാല് വരെ ആക്രമികൾ കൊല്ലപ്പെട്ടതായും ഒരാളെ ജീവനോടെ പിടികൂടിയതായും റിപ്പോർട്ടുകൾ പറയുന്നു. ആക്രമണത്തിന്റെ ഉത്തരവാദിത്വം പാകിസ്ഥാൻ താലിബാനുമായി ബന്ധമുള്ള ജമാഅത്ത്-ഉൽ-അഹ്റാർ ഏറ്റെടുത്തതായി ചില അന്താരാഷ്ട്ര മാധ്യമങ്ങൾ റിപ്പോർട്ട് ചെയ്യുന്നു.
