ശ്രീറാമിനെ മാറ്റിയതില് പ്രതികരിച്ച് കോടിയേരി
nikhil@mediagraamam.com 
ശ്രീറാം വെങ്കിട്ടരാമനെ ആലപ്പുഴ കലക്ടര് സ്ഥാനത്ത് നിന്ന് മാറ്റിയത് ജനവികാരം കണക്കിലെടുത്താണെന്ന് സിപിഐഎം സംസ്ഥാന സെക്രട്ടറി കോടിയേരി ബാലകൃഷ്ണന്. ജനാധിപത്യപരമായ വിയോജിപ്പുകളെ എല്ഡിഎഫ് തള്ളില്ലെന്നും പാര്ട്ടി മുഖപത്രമായ ദേശാഭിമാനിയില് എഴുതിയ ലേഖനത്തില് കോടിയേരി വ്യക്തമാക്കി. ശ്രീറാമിനെ സര്വ്വീസില് തിരിച്ചെടുത്തത് നിയമം നിര്ബന്ധിച്ചതിനാലാണെന്നും കോടിയേരി ലേഖനത്തില് പറഞ്ഞു. കോടിയേരിയുടെ വാക്കുകള്: ''എല്ഡിഎഫ് സര്ക്കാരിന്റെ ഏതെങ്കിലും നടപടിയോടോ തീരുമാനത്തോടോ വിയോജിപ്പുണ്ടെങ്കില് അതില് ജനാധിപത്യപരമായി വിയോജിപ്പ് പ്രകടിപ്പിക്കുന്നതിനോട് എല്ഡിഎഫ് സര്ക്കാരിനോ മുഖ്യമന്ത്രിക്കോ മുന്നണിക്കോ അസഹിഷ്ണുതയില്ല. പത്രപ്രവര്ത്തകനെ കാറിടിച്ചുകൊന്ന കേസില് പ്രതിയായ ഐഎഎസ് ഉദ്യോഗസ്ഥന് ശ്രീറാം വെങ്കിട്ടരാമനെ നിയമം നിര്ബന്ധിച്ചതിനാലാണ് സര്വീസില് തിരിച്ചെടുത്തത്. പിന്നീട് സര്വീസ് നടപടിക്രമങ്ങളുടെ ഭാഗമായി ആലപ്പുഴയില് കലക്ടറാക്കി.''
