അഞ്ഞൂറ് അല്ല, ആയിരം രൂപ വരെയുള്ള ബില്ലുകള് കൗണ്ടറില് അടയ്ക്കാം', കെഎസ്ഇബി ഉത്തരവ് തിരുത്തി വൈദ്യുതി മന്ത്രി
manikantan@mediagraamam.com 
ബില്ലുകള് അടയ്ക്കുന്നത് സംബന്ധിച്ചുള്ള കെഎസ്ഇബിയുടെ പുതിയ ഉത്തരവ് തിരുത്തി വൈദ്യുതി മന്ത്രി കെ കൃഷ്ണന്കുട്ടി. ആയിരം രൂപ വരെയുള്ള ബില്ലുകള് കൗണ്ടറുകളിൽ അടയ്ക്കാമെന്ന് വൈദ്യുതി മന്ത്രി കെ കൃഷ്ണന്കുട്ടി പറഞ്ഞു. 500 രൂപ വരെയേ കൗണ്ടറുകളിൽ സ്വീകരിക്കു എന്നായിരുന്നു കെഎസ്ഇബി ഉത്തരവ്. സമ്പൂര്ണ്ണ ഡിജിറ്റലൈസേഷന്റെ ഭാഗമായാണ് കെഎസ്ഇബിയുടെ തിരക്കിട്ട നീക്കം.
ആയിരം രൂപയ്ക്ക് മുകളിലുള്ള എല്ലാ ബില്ലും ഓൺലൈൻ അടയ്ക്കണമെന്നും ബില്ല് 500 ന് മുകളിലെങ്കിൽ പരമാവധി കൗണ്ടറിൽ സ്വീകരിക്കാതിരിക്കാനും നിര്ദ്ദേശിച്ചാണ് ഉത്തരവിറങ്ങിയത്. ബില്ല് അടയ്ക്കാന് കാശുമായി കൗണ്ടറിലെത്തുന്നവരെ നിരുത്സാഹപ്പെടുത്തും. ഇത്തരക്കാര്ക്ക് പരമാവധി രണ്ടോ മൂന്നോ തവണ മാത്രമെ ഇളവുണ്ടാകു. എന്നാല് പല കോണിൽ നിന്നും വിമര്ശനം ഉയര്ന്നതിനെ തുടര്ന്ന് മന്ത്രി ഇടപെട്ടാണ് ഓൺലൈൻ ബില്ലടയ്ക്കലിൽ വ്യക്തത വരുത്തിയത്.
