മുഖ്യമന്ത്രി വലിയ കള്ളന്; സോണിയെ പാര്ട്ടി സംരക്ഷിക്കുമെന്ന് സുധാകരന്
nikhil@mediagraamam.com 
കൊച്ചി: മുഖ്യമന്ത്രിയുടെ വാഹനത്തിന് നേരെ ചാടിവീണ് കരിങ്കൊടി വീശിയ യൂത്ത് കോണ്ഗ്രസ് പ്രവര്ത്തകന് പാര്ട്ടിയുടെ പിന്തുണയുണ്ടെന്ന് കെപിസിസി പ്രസിഡന്റ് കെ സുധാകരന്. മുഖ്യമന്ത്രി എത്ര പ്രതിരോധം തീര്ത്താലും നാടിന്റെ പ്രതിഷേധവുമായി കോണ്ഗ്രസ് പിന്നിലുണ്ടാവുമെന്ന് സുധാകരന് ഫേസ്ബുക്കില് കുറിച്ചു. സംഭവത്തില് യൂത്ത് കോണ്ഗ്രസ് ബ്ലോക്ക് ഭാരവാഹി സോണി പനന്താനത്തിനെതിരെ വധശ്രമത്തിന് കേസെടുത്തതിന് പിന്നാലെയാണ് സുധാകരന്റെ പ്രതികരണം. സോണി കരിങ്കൊടിയുമായി മുഖ്യമന്ത്രിയുടെ വാഹനത്തിന് നേരെ പാഞ്ഞടുക്കുന്ന ചിത്രം പങ്കുവെച്ചാണ് സുധാകരന്റെ പിന്തുണ. 'എത്ര കോട്ടകള് കെട്ടി നിങ്ങള് ഒളിച്ചിരുന്നാലും ,എത്ര തന്നെ നിങ്ങള് ഭയന്നോടിയാലും ഈ നാടിന്റെ പ്രതിഷേധവുമായി കോണ്ഗ്രസ്സ് പിന്നിലുണ്ടാകും'.കാരണം നിങ്ങളീ നാട് കണ്ട ഏറ്റവും വലിയ കള്ളനാണ്, കൊള്ളക്കാരനാണ്. രാജ്യദ്രോഹ കുറ്റാരോപണം നേരിടുന്ന മുഖ്യമന്ത്രിയാണ്. ആകാശത്തിലും മണ്ണിലും അഴിമതിവീരന് മുഖ്യമന്ത്രിയെ പ്രതിഷേധത്തിന്റെ ചൂടറിയിച്ച് നിരന്തരം ഭയപ്പെടുത്തുന്ന സമര ഭടന്മാര്ക്ക് അഭിവാദ്യങ്ങള്' സുധാകരന് ഫേസ്ബുക്കില് കുറിച്ചു.
